唱作女子组合Beanies成员之一的陈乐颐Geor（阿左），今年5月推出了自己创作的歌曲《中二式恋爱》，日前，再推出最新solo作品《从天际破灭找到祝福》。

Geor今年家中有一位至亲离世，令她有想法去写一首鼓励人的歌曲，「我人生最唔开心嘅时候，身边有好多朋友撑住我，朋友、同事、家人编咗个更表，肯定我无时无刻都係有人陪住。」因为身边的爱，令Geor深受感动，因而写了《从天际破灭找到祝福》这首歌，「除咗想多谢佢哋嘅陪伴，都想透过呢首歌带啲讯息畀大家，如果你处于人生低潮，或者遇到挫折，唔好忘记身边其实有好多人拥抱紧你。」因为经历过伤痛，令Geor莫名地多了一份使命感，「所以今次呢首歌再唔係分享自己嘅经历咁简单，係想透过歌曲带一点点嘅影响力比大家，正如我介绍歌曲的文案所讲『危难当前既然避免不过，与其将痛楚放大，不如学识从旁寻找美好』。」

【至亲离世多了个小习惯】

有跳伞的想法，原来是Geor收到填词人Stanley为新歌命名而出现，Geor说：「《从天际破灭找到祝福》令我觉得呢首歌嘅MV，一定要有我喺天上飞嘅画面。」除此之外，另一个最大的原因，是因为Geor家中至亲离世的关係，Geor说：「今年年初，个天比咗个好大嘅考验我，係一场痛苦嘅离别。因为呢段经历，我觉得呢个世界已经冇嘢会难到我，所以，我飞咗去澳洲，感受一吓最贴近天空嘅感觉係点样！不知不觉多咗个小习惯，就係成日都会望向天空，谂吓佢而家过成点。」

【南丫岛补拍遇上红雨】

至于拍MV有没有趣事或难忘事，Geor表示原本在澳洲拍了好多片段，回港后交给好朋友雨桥剪辑成MV，「点知佢发现将我有嘅片段剪埋一齐后，实在太似National Geographic嘅纪录片（我影咗好多动物，反而好少影自己），所以佢决定喺南丫岛帮我补拍。」计划往往赶不上变化，当Geor与雨桥择日去南丫岛拍摄当日，一抵达目的地，天文台宣布红雨，虽然天气不似预期，幸好最后都拍摄顺利！